Entertainment » करिश्माका लागि राजेश प्राण र सिउँदको सिन्दुर(फोटो फिचरसहित)

---

नायक राजेश हमाल र नायिका करिश्मा मानन्धरको जोडीलाई दर्शकले पर्दामा आज पनि रुचाइरहेका छन् । नायक हमाल र मानन्धरलाई दर्शकले रियल लाइफकै जोडीको रुपमा देख्न खोजेपनि त्यो असम्भव नै छ । तर पर्दामा भने राजेश र करिश्मालाई एकअर्कासँग काम गर्न निक्कै सहज हुन्छ ।



चलचित्र ‘भाउजु’मा पहिलो पटक जोडीको रुपमा पर्दामा देखिएको यो जोडीले यसपश्चात थुप्रै हिट सिनेमा दिइसकेको छ । राजेश र करिश्मा अब सिनेमामा मात्र होइन म्यूजिक भिडियोमा पनि सँगै देखिन थालेका छन् ।

प्रशन्न पौडेलको निर्देशनमा तयार भएको एक गीतमा राजेश र करिश्मा श्रीमान श्रीमतीको रुपमा देखिएका छन् । ‘तिमी नै मेरो प्राण हौ सिउँदको सिन्दुर हौ’ बोलको गीतमा यो चर्चित जोडीलाई देख्न सकिन्छ ।



दीपक शर्माको संगीत, माण्डवी त्रिपाठीको आवाजमा समावेश यो गीतमा उषा श्रेष्ठले शब्द कोरेकी छिन् । राजेश र करिश्मालाई पहिले देखि नै काम गराउने चाहनालाई पुरा गर्दै निर्देशक प्रशन्न पौडेलले गोदाबरीमा यि दुइलाई क्यामेरामा कैद गरेका हुन् । यसअघि आलोक नेम्वाङले निर्देशन गरेको एक भिडियोमा अभिनय गरेका राजेश र करिश्माका लागि सानो पर्दाको यो दोश्रो अनुभव हो ।

0 comments

Write Down Your Responses