Sports » फुटबल टोलीका कप्तान सागर थापा २ पटक मापसे फन्दामा,लाइसेन्समा पारियो प्वाल

---

प्रकाश ढुंगाना । नेपाली राष्ट्रिय फुटबल टोलीका कप्तान सागर थापा २ मापसेमा परेका छन् । उनी गत शुक्रवार दरवारमार्गस्थित चेकिङमा परेका हुन् । यस अघि पनि उनी मापसेमा नै परेका थिए ।



मादक पदार्थ सेवन गरी बा ९ च ३६४४ नम्बरको कार चलाइरहेका बेला उनलाइ नियन्त्रणमा लिइएको दरवारमार्ग ट्राफिक प्रहरीले जनाएको छ । कारमा कप्तान थापा सगै अन्य ४ जना पनि थिए । मादक पदार्थ सेवन गरी कार चलाएपनि थापा पहिले नै मापसेमा परेका कारण उनीसँग लाइसेन्स भने थिएन ।

स्रोतका अनुसार थापाले दरवारमार्गमा रहेको ट्राफिक प्रहरी निरिक्षक सिताराम हाँछेथुसँग बिन्ती गरेका थिए ।

हाँछेथुले भने नियम सबैलाइ लागू हुने भन्दै बरु घरमा प्रहरीकै गाडीमा पुराइदिने बताएका थिए । त्यसपछि कप्तान थापा गल्ती स्विकार गर्दे प्रहरीको गाडीमा नजाने भन्दै ट्याक्सीमा गएका थिए ।

त्यसपछि दरवारमार्ग प्रहरीले थापाको कार बग्गीखानामा बुझाएको थियो । थापाले हिजो मापसेको कक्षा लिएर लाइसेन्स र कार लिएर गएका छन् । उनको लाइसेन्समा प्वाल समेत पारिएको छ ।

कप्तान मापसेमा परेको ट्राफिक प्रहरी निरिक्षक सिताराम हाँछेथुले स्विकार गरे । उनले राष्ट्रका गहना स्वरुप रहेका ब्यक्तिहरुले बानी ब्यवहार केहि सुधार ल्याउनुपर्ने बताए ।

0 comments

Write Down Your Responses