National News, Videos » वाइसिएलको कार्यक्रममा यसरी दौडिए प्रचण्ड (भिडियोसहित)

---

१४ भदौ, काठमाडौं । शुक्रबार विहानै राजधानीमा युवा दौड प्रतियोगिता आयोजना भयो । दौडमा सहभागीमध्ये छातीमा ००१ लेखिएका धावक चाहिँ युवा नभएर एकीकृत माओवादीका अध्यक्ष प्रचण्ड हुनुहन्थ्यो । साथमा एमाओवादी नेतृ हिसिला यमी प्रचण्डलाई उछिन्दै अगाडि बढ्नुभएको थियो भने अन्य नेताहरु वर्षमान पुन, लोकेन्द्र विष्टहरु पनि ‘युवा दौड’मा सहभागी हुनुहन्थ्यो ।



योङ कम्युनिष्ट लिग (वाइसीएल)ले प्रथम राष्ट्रिय अधिवेशनको पूर्वसन्ध्यामा शुक्रबार बिहान युवा दौड प्रतियोगिताको आयोजना गरेको हो । दशरथ रंगशालाबाट आयोजना गरिएको दौडको उद्घाटन एमाओवादी अध्यक्ष प्रचण्डले गर्नुभएको हो । वाइसीएलको प्रथम राष्ट्रिय सम्मेलन शनिबारबाट राजधानीमा शुरु हुँदैछ । नेताहरुको टोली रंगशालको गेटबाट निस्केर सहीद गेट पुगी पुन रंगशालामै फर्किएको थियो भने प्रतियोगीहरु केशरमहल पुगेर फर्किएका थिए । प्रतियोगितामा पुरुषतर्फ मानबहादुर विष्ट र महिलातर्फ मनमति विष्टले १०/१० हजार रुपैयाँको पुरस्कार जितेका छन् ।

भिडियो : स्रोत onlinekhabar

0 comments

Write Down Your Responses