१४ भदौ, काठमाण्डौं । काठमाण्डौंको जमलस्थित ज्योति भवनमा आगलागी भएको छ ।
नेपाल बैंकको शाखा रहेको तलाबाट आगलागी सुरु भएको प्रत्यक्षदर्शीहरुले बताएका छन् । आगलागीबाट बैंक शाखा पूर्ण रुपले क्षति भएको छ भने सोही भवनमा रहेको ग्राण्डी सिटी क्लिनिक पनि क्षतिग्रस्त भएको छ ।
क्लिनिकबाट चार जना नर्सलाई उद्दार गरी बाहिर निकालिएको थियो । पहिलो तलामा रहेको हिरो मोटरसाइकलको सोरुममा सामान्य प्रभाव पारे पनि बाइकमा क्षति पुगेको छैन ।
बिहान साढे सात बजेबाट सुरु भएको आगलागी करिव ४५ मिनेटमा नियन्त्रणमा आएको थियो । नेपाल बैंक शाखामा कुनै उपकरण विस्फोट भएर आगो निस्केको अनुमान गरिएको छ । विद्युत लाइन बन्द हुनसाथ आगो सुरु एकै पटक भएको हुनाले यूपीएस पड्केको हुनसक्ने सुरक्षा गार्डले बताए ।
समयमै दमकल र उद्धारका लागि सुरक्षाकर्मी पुगेका कारण आगलागी नियन्त्रणमा आउन सकेको हो । जुद्ध वारुण यन्त्रका ३, ललितपुर उपमहानगरको १, भुक्तपुर नगरको १, प्रहरीको १ र सेनाको १ दमकमले आगो नियन्त्रणमा लिएका हुन् ।
0 comments
Write Down Your Responses