Entertainment » ‘होस्टेल’ जीवन : छोरासँग एउटै सिनेमामा भूवन, शोभितले छोरालाई भने, ‘मेरो भाई’

---

शुक्रबार अर्थात भदौ १४ गतेबाट प्रदर्शनमा आउन लागेको चलचित्र ‘होस्टेल’को बिहिबार एक कार्यक्रमको आयोजना गरी अडियो बिमोचन गरिएको छ । नेपाली सिनेमाका चर्चित नायक भूवन केसी, निर्देशक शोभित बस्नेत, चलचित्रका निर्माता सुनिल रावलका पिता नरबहादुर रावल, चलचित्र निर्माता संघका महासचिव केशव भट्टराई, त्रिचन्द्र कलेजका स्ववियू सभापति विनय भट्ट, चलचित्र पत्रकार संघका अध्यक्ष विदुर गिरी लगायतले अडियो बिमोचन गरेका थिए ।सिनेमा प्रदर्शनको एक दिन अघि अडियो बिमोचन गर्ने प्रथालाई फरक धारको भनिएको यो सिनेमाले पनि पछ्यायो । कार्यक्रममा चलचित्रका मुख्य कलाकारहरु अनमोल केसी, गौरब पहाडी, सलोन बस्नेत लगायतको उपस्थिती थियो ।



नायक भूवन केसीले छोरालाई सिनेमाको नायकको रुपमा देख्न पाउदा निक्कै खुशी लागेको बताए । यस्तै कार्यक्रममा उपस्थित निर्देशक शोभित बस्नेतले सलोन आफ्नो छोरा नभई भाई भएको प्रतिक्रिया दिएका थिए ।रीयाज म्यूजिकले बजारमा ल्याएको चलचित्रको गीतमा स्याडोज ब्याण्डका स्वप्निल शर्मा, विवश पौडेलले संगीत दिएका छन् । होस्टेल जीवनको कथालाई मुख्य रुपमा प्रस्तुत गरेको यो चलचित्रले सुस्ताएको सिने नगरीलाई उकास्न मद्दत गर्ने विश्वास गरिएको छ । चलचित्रलाई हेमराज वीसीले निर्देशन गरेका हुन् ।

0 comments

Write Down Your Responses