Bichitra » ९६ वर्षमा छोरो पाएका बाउको स्वास्नीले छाडेपछि कन्तबिजोग (फोटोफिचर सहित)

---

९६ वर्षको उमेरमा बच्चा जन्माएर विश्वको सबैभन्दा बुढो बाउ बन्न सफल भएका भारतका रमाजित राघबको विचल्ली भएको छ । कान्छी श्रीमतीले छाडेर गएपछि ती बुढाको विजोग भएको हो ।

सन् २०१० मा ९४ वर्षको उमेरमा बच्चा जन्माएपछि ती वृद्धले विश्वव्यापी चर्चा कमाएका थिए । गएको वर्ष उनकी कान्छी श्रीमती सकुन्तला देवीले दोश्रो बच्चा जन्माएपछि त राघबको चर्चा झनै चुलिएको थियो । तर छोरा जन्मेको वर्षदिन नपुग्दै कान्छी श्रीमती सकुन्तला काखे छोरो लिएर बेपत्ता भएकी छिन् ।



अघिल्लो वर्ष यहीँ समयमा कान्छो छोरो जन्मिँदा आफु निकै खुसी रहेको तर यो वर्ष भने आफ्नो साथमा घरका भित्ता बाहेक कहीँ नहुँदा निकै दुखी भएको उनको भनाइ छ । हुनत कान्छो छोरो जन्मिएको केही समयमै उनको जेठो छोरो हराएको थियो । सकुन्तलाले जेठो छोरालाई अस्पतालमा उपचार गराएर फर्किँदा बसमा निदाएपछि छोरो हराएको थियो । छोरो हराएपछि राघब र सकुन्तला निकै बिरक्तिए, धेरै ठाउँमा खोजे तर फेला परेन । कान्छो छोरो छँदैछ भनेर चित्त बुझाउँदै थिए दम्पति । तर एक्कासी कान्छो छोरो र श्रीमती पनि हराएपछि वृद्ध राघब विचल्लीमा परेका छन् । आफु बर्बाद भएको, श्रीमतीबीना आफु असहाय भएको र अब आफ्नो संसार टुंगिन लागेको उनी बताउँछन् ।



हरियाणाका बासिन्दा राघब सुकुम्बासी हुन् र मासिक ६५० भारु सरकारी भत्ता खान्छन् । उनले २३ वर्षअघि सकुन्तालालाई बिहे गरेका थिए । आफु हराएकी श्रीमतीलाई ढोकामा कुरेर बसिरहेको बताउँदै उनले श्रीमती छिटै फर्किने आशा राखेका छन् ।

0 comments

Write Down Your Responses