पहिरोले १३ घर पुर्यो, कोशी राजमार्ग अवरुद्ध
|
|
२२ भदौ, धनकुटा । धनकुटामा गएको पहिरोले एक दर्जनभन्दा बढी घर पुरेको छ । मुलघाट नजिकै शुक्रबार साँझ गएको पहिरोले मुलघाटबाट दक्षिणमा रहेका महाभारत, बुढिमोरङ र भेडेटार गाविसका १३ घर पुरेको प्रहरीले जनाएको छ । पहिरोका कारण दर्जनभन्दा बढी घर जोखिममा परेका छन् ।
कोशी राजमार्गका विभिन्न स्थानमा पहिरो खसेका कारण यातायात सेवा अवरुद्ध भएको छ । उक्त राजमार्गका तीन किलोमिटरको क्षेत्रमा पहिरो खसेको र उक्त पहिरो हटाउने प्रयास भइरहेको प्रहरीको भनाई छ । यद्यपी पानी आउनेक्रम जारी रहेकाले हटाउन समस्या भएको छ ।
राजमार्ग अवरुद्ध भएपछि सडकको दुवैतर्फ सयौं सवारीका साधन रोकिएका छन् ।
|
|
0 comments
Write Down Your Responses