Entertainment » कोतपर्व घटाउने जंगबहादुर फेरी जन्मने, सुरजसिंह ‘जंगे’ बन्दै

---

राणाशासनकालका चर्चित प्रधानमन्त्री जंगबहादुर राणाको उदय फेरी हुने भएको छ । उसो त एकिकृत नेकपा माओवादीका अध्यक्ष प्रचण्डले पनि बेलाबखत जंगबहादुर र बुद्ध जन्माउने कुरा नगरेका होइनन् ।



तर जंगबहादुरको इतिहास पर्दामा एकपटक सस्पेन्स थ्रीलर शैलीमा हेर्न पाइने भएको छ । यसका लागि निर्माता सुशान प्रजापती जुटेका छन् । उनले निर्माण गर्न लागेको नयाँ चलचित्र ‘जंगे’को बारेमा काठमाण्डौमा पत्रकार सम्मेलनको आयोजना गरि जानकारी गराइएको छ ।

सान बस्नेतको पटकथा तथा संवाद रहने यो चलचित्रमा सुशान प्रजापतीले नै कथा र छायांकनको जिम्मा लिएका छन् । चलचित्रमा उज्ज्वल ढकालको सम्पादन रहने छ । यो चलचित्रलाई नब निर्देशक उत्कल थापाले निर्देशन गर्न लागेका हुन् । चलचित्रको शिर्ष भूमिकामा कर्कश डेब्यू कलाकार सुरज सिंह ठकुरी देखिने छन् । अन्य कलाकारको चयन अडिशन मार्फत गरिने निर्माणपक्षले जनाएको छ ।

चलचित्र मार्फत केही नयाँ प्रविधी भित्राउने योजना निर्माणपक्षको छ । जंगेलाई हिजोको राजनैतिक अवस्थालाई बर्तमानमा दृष्टिगोचर गर्ने प्रयास भनिएको छ । चलचित्रको छायांकन तिहार लगतै सुरु गरिनेछ ।

0 comments

Write Down Your Responses