बाजागाजासहित बाबुरामद्धारा उम्मेदवारी दर्ता (भिडियोसहित)
आगामी मंसिर ४ गतेका लागि तय भएको संविधानसभाको निर्वाचनका लागि आज प्रत्यक्षतर्फको मनोनयन दर्ता जारी छ । बिहान १० बजेदेखि जिल्ला सदरमुकामस्थित निर्वाचन अधिकृतको कार्यालयमा उम्मेदवारी दाखिला गर्न सुरु भएको हो । एमाओवादी नेता डा. बाबुराम भट्टराईले लुम्बिनीको विकासका लागि आफूले रुपन्देही क्षेत्र नम्बर ४ बाट उम्मेदवारी दिएको बताएका छन् । बाजागाजासहितको जुलुसको नेतृत्व गरी आज रुपन्देही जिल्ला निर्वाचन कार्यालयमा पुगेर उम्मेदवारी दर्ता गराएपछि उनले लुम्बिनीको विकास आफ्नो प्राथमिकता भएको बताए ।
यसअघि पौडेलले बाबुराम भट्टराई उठेको क्षेत्र छाडेर नवलपरासी ३ बाट उम्मेदवारी दर्ता गर्न खोजेकामा कार्यकर्ताको चर्को दबाबपछि नवलपरासीको उम्मेद्वारी फिर्ता लिएका थिए । एकीकृत माओवादी, नेपाली कांग्रेस र नेकपा एमालेले सबै क्षेत्रका लागि उम्मेदवारहरुलाई मनोनयन पत्र दिएका छन् । जिल्ला निर्वाचन कार्यालयहरुले आश्विन १८ गते मनोनयन दर्ताको सुची प्रकाशित गर्ने छन् भने १९ गते उम्मेदवारी उपर दाबी विरोध गर्ने दिन तोकिएको छ ।
0 comments
Write Down Your Responses