काठमाडौं, १६ असोज । राजधानीमा आजबाट शुरु ‘सशस्त्र प्रहरी महानिरीक्षक प्रथम राष्ट्रिय खुल्ला महिला भलिबल प्रतियोगितामा सशस्त्र प्रहरीले बिजयी शुरुवात गरेको छ । हल्चोकस्थित सशस्त्र प्रहरी बल प्रधान कार्यालयको एपीएफ भलिबल कोर्टमा भएको प्रतियोगिताको उद्घाटन खेलमा एपीएफ क्लबको महिला भलिबल टिमले पश्चिमाञ्चल महिला भलिबल टिमलाई २५–१८, २५–२२, २४–२६ र २५–१४ ले पराजित गरेको हो ।



सशस्त्र प्रहरी बलले पहिलो पटक आयोजना गरेको राष्ट्रिय स्तरको सशस्त्र प्रहरी महानिरीक्षक प्रथम राष्ट्रिय खुल्ला महिला भलिबल प्रतियोगिताको कूल पुरस्कार राशी चार लाख २५ हजार रुपैयाँ रहेको छ । प्रतियोगितामा आयोजक नेपाल एपीएफ क्लबसहित नेपाल पुलिस क्लब, न्यू डाइमण्ड स्पोर्टस क्लब, पूर्वाञ्चल भलिबल टिम, पश्चिमाञ्चल भलिबल टिम, मध्यपश्चिमाञ्चल भलिबल टिम र सुदुरपश्चिमाञ्चल महिला भलिबल टिम गरी कूल सातवटा टिमको सहभागिता रहेको छ ।

0 comments

Write Down Your Responses