Entertainment, Interviews » बलिउड सिनेमा निर्देशन गर्दै निरुता सिंह (भिडियो अन्र्तवार्तासहित)

---

नेपाली सिनेमाकी चर्चित नायिका निरुता सिंह मलेसियामा आयोजना हुन लागेका ‘छैटौ नेफ्टा अवार्ड’को तयारीका लागि काठमाण्डौ आइपुगेकी छिन् । शनिबार काठमाण्डौ आइपुगेकी निरुता आइतबारबाट नृत्यको तयारीमा लागेकी छिन् । चलचित्र प्राविधिक संघले आयोजना गर्न लागेको नेफ्टा अवार्डमा निरुतासँगै नेपाली सिनेमाका चर्चित नायक तथा नायिकाको विशेष प्रस्तुती रहनेछ ।



मलेसियामा आयोजना हुने भएकाले पनि यसपटक तयारी विशेष छ’, प्राविधिक संघका अध्यक्ष मनोज केसीले अनलाइनखबरलाई बताए । कलाकारहरुलाई नृत्य निर्देशकद्धय गोविन्द राई र कमल राइले नृत्य सिकाइरहेका छन् । नायिका निरुता सिंहले मलेसियामा रहनु भएका नेपाली र स्थानिय दर्शकहरुलाई निराश नपार्ने बताइन् ।

यसैबिच अनलाइनखबरसँग कुरा गदै निरुताले आफू बलिउड सिनेमाको सह निर्देशन गर्ने तयारीमा लागेको बताइन् । कहिले दार्जलिङ त कहिले मुम्बइमा रहदै आएकी निरुताले नेपाली सिनेमाबाट पछि नहटेको बताइन् । ‘पहिले जस्तो सक्रिय भएर त लाग्दिन होला तर मन परेको कथा आएमा पक्कै पनि सिनेमा गर्नेछु’, निरुताले अनलाइनखबरसँग विशेष कुरा गर्दै भनिन् । उनले आफू प्रेमसम्बन्धमा नपरेको भन्दै बिहे कहिले हुन्छ भनेर आफूले पनि भन्न नसक्ने बताइन् । उनी मुम्बइमा भाइसँग बस्दै आएकी छिन् भने दार्जलिङमा परिवारसँगै । नेफ्टा अवार्डको तयारीमा रहेकी निरुता सिंहले गरेको कुराकानी यसप्रकार छ

0 comments

Write Down Your Responses