‘स्टार’ बन्न सेक्सलाई दालभात सोच्ने सुमिना (भिडियो)
नेपाली सिनेमाको हिरोइन बन्न के के गनुपर्छ भन्ने बिषयमा विभिन्न खालका समाचारहरु बाहिर नआएका होइनन् । चलचित्रको पर्दामा पनि यस्ता खालका कथालाई उठान गर्न नखोजिएको होइन ।
यसै क्रममा महेन्द्र बुढाथोकीको निर्माण तथा निर्देशनमा तयार भएको चलचित्र ‘स्टार’ले यस्तै बिषयलाई उठान गर्न खोजेको छ । चलचित्रमा सुमिना घिमिरेलाई स्टार बन्न संघर्ष गर्ने एक नायिकाको रुपमा देखाइएको छ ।
पत्रकार लक्ष्मण सुवेदी कार्यकारी निर्माता रहेको यो सिनेमामा निरज बराल, श्याम घिमिरे, रुपा खनाल, रमेश वुढाथोकी, गणेश उप्रेती लगायतका कलाकारले पनि अभिनय गरेका छन् । चलचित्रमा नायिका सुमिना घिमिरेले उत्तेजक दृश्य दिएकी छिन् । हुनत उनले अब चलचित्रको पर्दामा भड्किला दृश्य नदिने बताउँदै आएकी छिन् । तर ‘स्टार’ सिनेमामा उनले बोलेको संवाद र दिएको दृश्यलाई हेर्दा सुमिनाले भनेजस्तो नभएको देखिन्छ । चलचित्रको निर्माणपक्षले यूट्यूबमा सार्वजनिक गरेको प्रोमो र एक गीतमा उनको भड्किलो हाउँभाउ देख्न सकिन्छ ।
यसअघि चलचित्र नाइन ओ क्लक, अपि्रल फूल, लभ फरेभरमा पनि नाङ्गीएर आलोचना भोगेकी सुमिनलाई ‘स्टार’ले झनै आलोचित बनाउछ या सफलता दिलाउछ यसका लागि कात्तिक ८ सम्म कुर्नैपर्छ ।
0 comments
Write Down Your Responses