च्याम्पियनस लिगमा मेस्सीको कीर्तिमानी हृयाट्रिक
|
|
३ असोज, काठमाडौं । अर्जेन्टिनी स्टार स्ट्राइकर लियोनल मेसीको हृयाटि्रकसँगै बार्सिलोनाले च्याम्पियनस लिग फुटबलमा विजयी सुरुवात गरेको छ ।
बुधबार राति भएको खेलमा समूह एचमा रहेको बार्सिलोनाले एयाक्सलाई ४-० गोल अन्तरले पराजित गरेको छ । घरेलु मैदान नाउ क्याम्पमा भएको खेलमा बार्सिलोनाले २२ औं मिनेटमा मेस्सीको गोलबाट अग्रता लियो । ५५ औं मिनेटमा बुस्केटको पासमा मेस्सीले नै गोल गर्दै बार्सिलोनाको अग्रता दोब्बर पारे ।
६९ औं मिनेटमा ब्राजिलियन स्टार नेयमारको पासमा जेरार्ड पिकेले गोल गरे । ७५ औं मिनेटमा जाभीको पासमा गोल गर्दै मेस्सीले हृयाट्रिक पूरा गरे ।
एयाक्सविरुद्धको हृयाट्रिकसँगै मेस्सी च्याम्पिन्यस लिगमा सर्वाधिक हृयाटि्रक गर्ने फुटबलर बनेका छन् । उनले ४ पटक हृयाटि्रक गरेका छन् । च्याम्पियन्स लिगमा सर्बाधिक गोलकर्ताको दोस्रो नम्बरमा रहेका मेस्सीको गोलसंख्या ६२ पुगेको छ ।
खेलको ७७ औं मिनेटमा एयाक्सले पाएको पेनाल्टी बार्सिलोनाका गोलरक्षक भाल्डेसले रोकेपछि बार्सिलोन ४-० ले विजयी भयो ।
-
|
|
0 comments
Write Down Your Responses